Poma ngen Ayah gaseh beusaban
Dua ureung nyan bek sagai lupa
Bek ta meudengki kayem ta lawan
Saket hatee nang tanyoe murkai
Deungo lon kisah poma meungandong
Dari buleun phon hingga keluwa
Buleun ke dua gohlom meutentee
Buleun yang ke lhee baroe phon nyata
Buleun yang keu peut ramee yang tanyoeng
Buleun keu limong le peue neu hawa
Buleun yang keu nam saket lam tuboh
Buleun keu tujoh khanduri gob ba
Buleun keu lapan saket lam tuleung
Buleun sikureung hamba keuluwa.
